Í morgunþætti Útvarps Sögu frá mánudeginum 12. desember 2011, ræddi Jón Lárusson meðal annars um skuldavanda Evrópu og benti á að lausn á skuldavanda fælist ekki í að auka við skuldirnar. Svo lengi sem reynt væri að leysa skuldavandann á þennan hátt, þá væri fyrirsjáanlegt að vandi ESB væri kominn til að vera.

Benti Jón á að nú verið að laga bókhaldið, ekki ósvipað og gert var á Íslandi um og fyrir 2007. Það væri í raun verið að taka mismunandi vel eða illa stæð hagkerfi og slá þeim saman í eitt til að fá betra meðaltal fyrir sambandið í heild. Þetta væri svipað og þegar eigendur margra smærri félaga stofnuðu eignarhaldsfélög sem tækju yfir rekstur allra þeirra smærri.

Jón Lárusson benti á það í morgunþætti Útvarps Sögu mánudaginn 5. desember, að við værum lykillinn að framtíð okkar. Það væri okkar að vinna verkið, það gerir það enginn annar. Benti hann á nauðsyn þess að við sem samfélag ákveðum þá framtíð sem við viljum sjá, því án hennar skipti engu máli hvert við héldum.

Ef við ákveðum ekki framtíðina sjálf, þá gerir það einhver fyrir okkur og það er ekki víst að hans sýn sé eitthvað sem við sem samfélag viljum sjá, eða er samfélaginu yfir höfuð til góða. Benti hann einnig á að frelsið kostar ekkert, en ef við glötum því, þá er dýrt að endurheimta það.

Í morgunþætti Útvarps Sögu þann 21. nóvember skýrði Jón hvernig fjármagn verður til í bankakerfinu. Hvernig bankarnir búa til fjármagnið úr engu og lána það svo út gegn greiðslu vaxta.

Benti Jón á að fyrir nokkur hundruð árum hefðu einstaklingar náð að plata samfélögin til að gefa þeim einkaleyfi til fjármagnsframleiðslu, með því að fá fulltrúa þeirra til að halda að þetta væri samfélagslega hagkvæmt, þvert á það sem raunin er.

Það var ekki hjá því komist að ræða ástandið í Grikklandi í morgunþætti Útvarps Sögu í morgun, en hræringarnar þar ætla engan endi að taka. Vísaði Jón til þess að stór hluti vandans hjá Grikkjum er til kominn vegna þess að fyrri lán ríkisstjórnarinnar grísku fóru í að fóðra innistæðueigendur og banka, sem allir fluttu fjármagnið beint til Luxembourgar. Grikkland er því, þökk sé frjálsu flæði fjármagns og sameiginlegri mynt, uppiskroppa með lausafé. Núverandi innspýting kemur til með að hafa alveg jafn lítil áhrif, verði ekki komið í veg fyrir slíkan flótta.

Jón benti á að það þýðir ekkert að flýja vandann, hann lagast ekkert við það. Hins vegar benti hann á að stundum er lausnin nær en okkur grunar, við eigum það hins vegar til að leita of langt um skammt.

Það að fimm einstaklingar hverfi af landi brott á hverjum degi, var til umræðu hjá Jóni Lárssyni á Útvarpi Sögu í morgun. Benti hann á að til þess að einstaklingar tæki slíka ákvörðun, þá þurfi að vera til staðar slík uppgjöf og vonleysi að það veki upp spurningar um það hvernig þjóðfélag við búum í.

Benti Jón á það að við höfum horft til fortíðar allt of lengi og erum í raun föst í fortíðinni og á meðan svo er, þá munum við ekki geta horft til framtíðar, hvað þá haldið þangað. Það væri nauðsynlegt að greina ástandið og finna orsökina. Aðeins þannig gætum við leyst úr okkar málum.

Jón Lárusson ræddi deilur forseta og forsætisráðherra um hvers sé valdið, í morgunþætti Útvarps Sögu í morgun. Benti hann á að það væri kominn tími til að árétta það að valdið kemur ekki frá forseta, forsætisráðherra eða Alþingi ef því er að skipta, heldur kemur valdið frá fólkinu. Það sé kominn tími til að almenningur krefjist aftur valdsins sem er með réttu þess.

Einnig ræddi hann um það að til að einstakling sé trúað, þá þarf hann að vita hvað sé rétt að gera í stöðunni, ekki að hann vonist eða trúi því að hann sé að gera rétt.

Jón lagði á það áherslu að almenningur horfði til framtíðar og léti af fortíðarhyggjunni sem hann taldi hafa ráði um of áherslunum í landinu. Sagði hann nauðsynlegt að almenningur setti sér markmið og í kjölfarið væri haldið til framtíðar.

Skýrði hann helstu hugmyndir Umbótahreyfingarinnar, til handa þrískiptingu valdsins, auknu lýðræði og breyttu fjármálakerfi.

Jón Lárusson og Ragnar Þór Ingólfsson ræddu spurninguna "er lögmætur eigandi skuldarinnar að rukka þig"? En þetta er spurningin sem varpað verður fram á borgarafundi sem haldinn verður í Háskólabíó í kvöld klukkan 20:00.

Einnig var velt upp hagsmunum verkalýðshreyfingarinnar með tilliti til hagsmuna einstaklinganna sem mynda hana. Var bent á að það væri spurning hvort þarna væri verkalýðsforystan að vinnan vinnuna sína.

Nýjustu fréttir af skuldaniðurfærslum gríska ríkisins voru ræddar á Útvarpi Sögu, en Jón Lárusson benti á að þarna væri verið að afskrifa skuldir, eitthvað sem við máttum ekki gera. Það væri ekki endir heimsins að borga ekki skuldirnar. Benti Jón líka á að lausn AGS á skuldavandanum, væri í átt til þess að ætla að þurka alkhólista með því að hella í hann áfengi. Það gengi ekki upp.

Sem og síðustu mánudaga, þá var Jón Lárusson gestur morgunþáttar Útvarps Sögu. Í þættinum í morgun ræddi Jón um mikilvægi þess að almenningur hafi bein áhrif á stjórn landsins og að svo kallað þingræði er ekki lýðræði, heldur frekar form einræðis.